رواية من تصصصصصميمي

مساء/صباح الورد

كيفكم اعلومككم

انا عضضوة جديدهـ

اتمنى تعجبكم روايتي



(( مالت على حظي))
.......................................
بسم الله
بطلـة القصه :
هيام :16 سنه مهبووووووله اقوى شي تمووووت بالافلام الهنديه وتحب الممثل الهندي جون ابراهام ...شعارها بالحياة ..طنش تعش تنتعش
شكلها مررره نايس وحلوه شعرها كستنائي لكتوفها وجسمها حلو
اختها :ندى:اكبر منها واعقل
اخوانها:فراس وفارس: توام بلاول كليه - فيصل: اخر العنقود سكر معقود عمره 3 سنوات


الجزء الاول(((( بدايــة قصة الحب ))))



ندى وهيام قاعدين بالصاله وضايقه صدورهم يبغون السوق بس ابوهم مو بفاضي لهم

التليفون يرن ::
تتتترن تتترن
هيام تركض هي واختها ندى يتسابقون ع التليفون
ندى(( عمرها 18 مهبوله شوي وفيها رومنسيه وحكمه وتشبهها بالشكل))
هيام تمسك التلفون :الوووو
تسحب منها ندى : الووو
هيام تعطيها بوكس على خشمها :الووو من معي
المتصل:هلا هذا بيت ابو فارس؟؟
هيام:ايوه
المتصل بزر : ممكن اكلم فيصل
ندى كانت تتضارب هي وهيام ع السماعه
هيام :لحظه شوي اشوف العله اللي جنبي
هيام :نــــدى اصبري بس اخلص شوفي شبسوي فيك
ندى :لا والله انا اللي سمعته يرن قبلك
هيام :هاهاها ترا بيجيك شي ما عمرك شفيه
ندى:اتحداااك
هيام :اجل جاك الموت يا تارك الصلاة
تروح تركب فوق ندى وتسوي عليها حركة المصارع انتر تيكر
ندى بتصيح من الالم :هيو تكفين خلااص والله يعور
هيام:نياهاهاها ..احسن عشان تتوبين
تروح هيام للسماعه :الوووو ايوه من تبي
المتصل متفاجئ: هااا ايه ايه ..ممكن فيصل
هيام : وش فيك شايف جني ؟؟ اقول فيصل مو بالبيت
المتصل : طيب قوليله اني اتصلت
هيام: طيب من انت ؟؟
المتصل: مو لازم
هيام :حلوه هذي... اجل كيف اقوله انك اتصلت
المتصل:تصرفي
وسكر
هياام :وجججججججع
وصرخت :نـــدى
ندى جت تركض:هااااه وجع ماني بمستغنيه عن اذني
هيام :هالبزر سكر بوجهي لالا ما يصير لازم انتقم
ندى :لازم نسوي جريمه
هيام:انا فكرت فيها بس المشكله ما ادري من هو
هيام تدق بالتليفون
ندى:شبتسوين
هيام :اصبري
يرد اللي بالطرف الثاني
هيام :هيييه انت يالحقير ليش تسكر بوجهي اجل انا على اخر عمري انت يالبزر تسوي كذا جعلك تفطس يالنذل جعلك تسوي حادث مع ابوك لالا حرام يموت ابوك انت مع السواق ازين وبعدين تعال من انت هاااه ؟؟ ما اذكر فيصل عنده اصدقا قليلين ادب مثلك تكلم ..مييين يالبزر؟؟وجت بتكمل بس وقفه صوت
شاب كبير:احم احم شوي شوي يالاخت شكلك غلطانه
هيام متفاجئه:هااه ايه صح لا انت منو؟؟
شاب:انتي الللي منو؟
هيام :الرقم ذا توه داق
الشاب:ايه هذا اخوي الصغير
هيام :ايه خلاص اجل باااي
شاااب:باا
سكرت ع طووول
هيام :ندى يا ويلي رد واحد كبير
ندى :احسن عشان تبطلين طوالة اللسان
هيام:مالت على حظي
ندى :اقول ما دريتي
هيام:هااااه
ندى:قولي هلا لبيه ..ابد ما عندك رومنسيه
هيام :لا يكثر تكلمي
ندى :ترى بنطلع مع عمامي الخميس للمزرعه
هيااام:كح كح يا قدمك
ندى :وانتي وش دراك
هيام: اصلا انا قايله لعمي يقنع ابوووي
ندى :اهاااا وانا كنت مستغربه ليش محد قالك اثريك الراس المدبر
هيام :المهم ...ابروح اجهز اغراظي
راحت هيو تجهز اغراظها ونااااامت
.................................................. .................................................. ....
من بكرا:
هيام قامت من النوم وتسبحت وكشخت ونزلت تحت
ندددددددى وينك يا بقره
ندى بالمطبخ:هنااااا بالمطبخ
هيام :شتسوين بالمطبخ اعتفري هاااه ؟؟؟ تحطين لنا سم بالغدا يا خاينه ؟؟ تموتين ابوي عشانه رفض يودينا السوووق؟؟ ونا اقول وش فيك ما صحتي امس يوم هاوشنا ابوي اثريك قاعده تخططين
ندى :وججججججع اسكتي لحد يسمع يصدقك
هيو:اجل وش تسوين؟؟ ما بحياتك دخلتي المطبخ
ندى:ههههه بسوي حلى
هيو :هااااااه؟؟ لالا ما اصدق وشالمناسبه
ندى :بيجي عمي ناصر واهله بكرا
هيو:واذا ؟؟كل اسبوع يجون اصلا
ندى:عااارفه بس انتي ما شفتي طلال ولد عمي ما شا الله راح لاول كليه وصاير يههههبل
هيو:ادري طول عمره يهبل جبتي شي جديد
ندى:اييه بس لازم نبدا نظبط العلاقات بينا ومرة عمي ..
هيوو::اهاااا قصدك تبينها تخطبك له..قولي كذا من اول..ونااسه اذا تزوجتو بروح اسكن معكم واشوف روان كل يوم
ندى:خير تسكنين عندنا انا ما راح اتزوج الا عشان افتك منك
هيو:خخخخخخ هذا وجهي اذا خطبك احد ....والله لا تعنسين ببيتنا اذا نيتك كذا
ندى:هههههههه طيب نشوف من يتزوج اول
هيو تاشر بيدها وتروح
ندى انقهرت منها انها طنشتها وقالت لازم انتقم
.....
جو اهل ناصر اللي هم
:
طلال :كبر فارس وفراس
روان :كبر هيام
شهد:ثالث متوسط
عزوز:كبر فيصل
دلع:اخر العنقود سنه ونص
.................................................. ......................................
ام طلال:والله وكل يوم تزيدون حلى يا بنات
ندى ساكته ومستحيه اما هيام وجهها مغسول بمرق
هيام:اصلا من حيني حلوه بس توكم تلاحظون
ام طلال:هههههه
روان :وانتي خليك مثل اختك عاقله مو مرجوجه بكرا تعنسين ببيت اهلك
هيو/الحين كل ما قلت شي قالو تعنسين اصلا انا قلت لكم من زمااان ما راح اتزوج الا اذا كان جون ابراهام فهذا حاله خاصه
روان :انتي شعاجبك بذا ترا راس ماله هندي لا راح والا جا
هيو قامت بتكفخ روان ما ترضى على حبيب القلب بس امها قاطعتهم
ام فراس:بنات ادخلوا طلال بيجي يسلم علي
((( نسيت اقولكم ان ام طلال وام فارس خواات)))
دخلوا البنات داخل وروان تمد لسانها لهيو
هيو انقهرت جت بترجع بس شافت طلال بيدخل وراحت المطبخ هي وندى
دخل طلال وشاف امه تضحك
سلم على ام فارس وجلس
:ضحكينا معك يمه
ام طلال: ههههه اضحك على اختك لو ما جيت كان جاها تكفيخ مو صاحي
طلال:هههه وليش بعد شمسويه ام الجرايم
روان :ما سويت شي>> تخاف من اخوها
طلال:ايه هين

داخل بالمطبخ
هيو:اففففف ذا متى بيطلع
ندى :روحي شوفي راح والا لا
هيو: لاوالله روحي انتي عشان تخففين تراك زايده كيلوين
ندى انقهرت وما ردت وراحت تشوف اذا هو راح والا لا
يوم ارجعت فكرت((والله هذي فرصتي انتقم منها نياهاهاها)))
ندى :ترا طلال راح
هيو جت بتطلع بس التفتت:يلا تعالي
ندى ارتبكت:هاااه ايه الحين اجي روحي روحي انتقمي من اللي سبت حبيب القلب جون
هيو قامت شياطينها وركضت للصاله
(((كانت لابسه بنطلون جينز اسود وبلوزه فوشيه كت عليها صورة بسه سودا وشعرها فالته )))
كانو ام فراس وام طلال وطلال يسولفون ويسالون عن الاحوال
فجأه من غير سابق انذار هبت عليهم صاعقه
وانفتح الباب بكل قوه
هيام ويطلع من عيونها شرار:تعاااااالي يام لسانين اجل جوني تقولين عنه كذا تحسبين طلالوه حبيب قلبك بينقذك ...هههه هذا هو راح شبتسوين الحين ؟؟هااااه ؟؟؟
والله لانسيك حليب امك ....ما جابته امه اللي يسب جنجوني
يا حقيـــــــــ ......فجاه انتبهت لعيون غريبه تناظرها فتحت فمها من الصدمه وبعد كم ثانيه يمااااااه وهجت للمطبخ
:
اللي بالصاله كلهم صامتين يستوعبون وبعدين كلللهم فقعوا ضحك عليها الا طلال
:
هههههههههههههههههههههههههههههههههههههههههههههههههه ه
روان:هههههه شفتو شكلها هههههه ما اقدر بطني هههههههه
لالا هههههههههه خلاص بافطس من الضحك ههههههههههه
وقفوا ضحك على صوت اشياء تتكسر بالمطبخ
قامت ام فراس تشوف الوضع
دخلت المطبخ لقت هيو راكبه فوق ندى وماسكه شوشتها وصحنين مكسورات بالارض وكل وحده شوشتها طايره لمترين وجزمه بجهه والثانيه فوق المجلى وبلوزة هيام مشقوقه
وندى تصرخ

هيو قامت منها بعد ما بردت حرتها
(((( اففففف مالت على حظي)))))
وراحت على غرفتها اما ندى راحت امها تسعف جروحها اللي لو جاهدت مع الرسول ما صار فيها كذا


اما اللي بالصاله فكملوا سهرتهم وطلال رجع عند الرجال

.................................................. .................................................. ...

من بكرا كلهم متجمعين بالصاله
هيو:يباااااه
الاب منسجم مع الجريده
هيو:محمممممد >>> تمووون
يام وصلت معها :ابوووو فاارس
الاب:خييير
هيو :يبه شف فارس بيروح لبيت خالتي ورفض ياخذني معه
الاب مطنش
هيو:اففففففففففف وراحت غرفتها
دخلت الام على هيام:هيووو بنروح السوبر ماركت بتجين
هيام زعلانه :لاااا بنام
الام :كيفك بس اكدي عالغاله تسكر كل الابواب
هيام :طيب
راحوا كلهم للسوبرماركت يتقضون لرمضان
قامت هيام من النوم ...تتمغط:اااااه
راحت تسبحت وتكشخت
نزلت تحت وشافت لها فيلم هندي لحبيب القلب جون ابراهام
ويوم خلص:اففففففففففففففف طفش انا غبيه ليتي رايحه
راحت تاخذلها جوله بالبيت او على قولتها تتفقد احوال الرعيه >>>خخخخ اصلا ما فيه احد
لقت لمبة غرفة السواق مولعه((( غرفة السواق كانت برا البيت يعني منفصله عنه))))
تكلم نفسها: الحين السواق مسافر والشغاله نايمه وما فيه احد بالبيت والله مالي الا اروح اشوف مين
راحت واقت ولقت هندي يحوس بالاغراض ويكب
قالت لنفسها :اهههههئ حرامي >>مهبوله تكلم نفسها
راحت بسرعه داخل وخذت لها عصا كبيره ولبست لها لبس يشبه جاكي شان يصلح للمصارعه >>بنطلون اسود ضيييق وبلوزه سودا ضييييقه<<
راحت وتغبت ورا باب السواق
انفتح الباب
ودخل الهندي
وبكل ما اوتيت من قوه
طررررررررررررررررررررررررررررررررررررااااااااااااا ااااخ>>>ضربه على الراس
طاح الهندي على الارض اغمى عليه>> ما ينلام
راحت بسرعه شالته
:اففففففف يا ثقله ..ما يسوى علي
حطته ع الكرسي وجابت حبال وربطته بقوه وربطت فمه
وقعدت تتامل وجهه :وانا ما استحي على وجهي اروح اتغطى ..لالا هندي عادي بالطقاق
بدا يصحى شيئا فشيئا
يوم فتح عيونه
((((اااه وين انا اففف ايه صح ..انا وش يلقفني ويخليني اجي هنا ...يوم طاحت عينه بعينها....اههههئ هاذي هيام بنت عمي ..والله احلوت ..وقعد يناظرها من فوق لتحت ..بعد ما استوعب قعد يصرخ من تحت المربوط على فمه))))
سامي:امممممممممممممممممممممممممم
هيام:هيييه انت شات اب انتا ايش يسوي هناك غرفه سواق انا الحين اتصل على بابا
دقت على ابوها:الو يبه ...الحمد لله ...يبه اسمع لا تقاطعني...شف انا لقيت هندي حرامي داخل بيتنا ظربته وربطته وحطيته بالصاله ...ايه ..ايه ...يله تعال ..لالا ما عليك مسيطره عالوضع ..شفت بنتك عن 10 رجال...يلا بااي
التفتت :اسمع انتا اجلس هنا انا ما فيه اسمع ولا صوت
سامي:امممممممممممممممممممممممم اممممممممم
هيام:اقول اسمع انت تعرف جون ابراهام
سامي((( والله مالي الا اسوي كذا)))
سامي يهز راسه بنعم
هيام بفرحه :واللله طيب ايش اسم الفلم الجديد حقه
سامي:اممممممممممم
هيام((((امممم افكه اخليه يقولي ايش اسم الفيلم والله عجزت وانا ادور اسمه مالي الا افك ربطته )))
راحت تفك ربطة فمه ..وهي تفك شافت بلوزته (((اخخخس هنووود اخر زمان بلوزه ماركه والله انه يعرف الذوق)))
يوم فكته
سامي بصراخ::فكييييييييييييني انا سامي ولد عمك صالح يا بقره فكينييييييييي
هيام انصرعت من الصدمه:هاااه من انت؟؟
سامي:اقوووولك فكيييييييني احسن لك
هيام :وانت شجايبك بيتنا هاااه؟؟
سامي:يالمجنونه ابوي مرسلني عشانه هو كفيل سواقكم اللي سافر قالي يجيب اوراق
هيام توها تستوعب انا بدون عبايه راحت على طول فوق تجيبلها عبايه
سامي يصرخ:هييييييييه لك ساعه واقفه قدامي يوم انك تحسبيني هندي الحين عشاني سعودي رحتي تغطيتي
هيام رجعت :يا ويييلي من ابوووي الحين يجي
سامي تورط((يا ويليي الحين بيقعد يحقق معي وش جايبني بيتهم وهو مافيه الا بنت ))))
هيام :سامي شسوي ابوي بيذبحني
سامي:الحين انتي فكيني وبنلقا حل
هيام راحت تفكه :بسرعه انقلع لا يجي ابوي
فجاه سمعوا صوت مفاتيح
هيو مسكت يد سامي وسحبته للدرج
:رح انقلع ثالث غرفه ع اليسار
راح سامي الغرفه ودخل(((يا ويلي منها هذي دخلتني غرفتها المجنونه ))
هيام كانت بالصاله خااااايفه موووت
دخل الاب معصب وواصله معه :هيااام وينه اللي تقولينه
هيام:هااااه؟؟ من
الاب:هياام وينه الهندي
هيام:هاااه..هندي ايه الهندي ...امزح عليكم ..هههه تعيشون وتاكلون غيرها
الاب قعد يهزئ ويهاوش ويصارخ على هييام وهي مو لمه تفكر شلون تطلع سامي
الاب:فهمتـــي؟؟؟
هيام :هااه..ايه ايه بروح انام
راحت تركض للدرج
دخلت غرفتها وقفلت الباب
فصخت العبايه
التفتت لقت سامي
:ساااامي
سامي سد فمها:اسكتي فضحتينا الله يفضحك
هيام:انت وش تسوي بغرفتي
سامي:مو انتي قلتيلي
هيام :انا قلتلك ثالث غرفه ع اليسار مو اليمين
سامي:تحسبيني اقدر افكر الحين تراني نسيت وين اليمين من الخوف
هيام:طيب شنسوي
طق طق طق
هياام بسرعه :ميين
ندى :انااا
هيام بهمس:رح انقلع تحت السرير
سامي بسرعه راح تحت السرير
ندى جت وطبت بكل قوه فووووق السرير
سامي:اااااي
ندى:هااه؟؟وش قلتي؟؟
هيام:انا..انا ما قلت شي
ندى :فاتك اليوم شفنا عمي صالح مع اهله بجيان
هيام (((والله بلشه هذي بتقولي قصةحياتها اخاف اطردها تشك فيني))))
ندى:شفنا ولده سامي يحليله كبر والله انه صاير اطخم
هيام:ايه ايه
ندى :وش فيك بالعاده اذا مدحت ولد قعدتي تسبينه
هيام :ايه اذكر انه شين وبقره ويحوم الكبد
ندى ودها ترد حركت التطنيش اللي اول
راحت وطنشتها
هيام((ابركه من ساعه واالله سويتي خير )))
راحت قفلت الباب
وطلع سامي
:الحين انا منحشر تحت السرير ومغفوص وانتم تسبوني وو
هيام تقاطعه :يمااااه .. تدري اذا شافوك هنا بيقتلوني واذا ما متت انا بيزوجوني اياك غصب
سامي::وشوووو توي بثالث ثانوي وش اتزوج
هيام :اجل لا يكثر ودبر عمرك بشي
سامي :طيب عندكم سلم
هيو :ايه ..لا تكون بتسوي نفسك طرزان ترا كذا بتطيح وتتكسر وتصير بدال الجريمه جريمتين
سامي::يله اجل فكري
هيام:مالت على حظي
امممم ..ايه عرفت
شف انت خلك تحت السرير اوكي
سامي:شبتسوين
هيام :انت رح وبس
سامي راح تح السرير
راحت هيام لغرفة الشغاله اللي من الطرف الثاني بالبيت
وخذت ولاعه
جابت بنزين وحرقت منديل على الفرشه
ونص الفرشه اشتعلت
راحت بسرعه لغرفة ابوها
هيااام :يباااااااااااه يماااااااااااااه
الاب طلع من الغرفه:وشووووو؟؟؟ لا يكون من مقالبك
هيام:لا يبه بس الشغاله احرقت غرفتها كلها نار
الاب راح ركض للغرفه
والام بعد
ندى طلعت من غرفتها:شسالفه ...((وقعدت بالصاله
هيام(((يا ذا البلشه الحين شيبيطلعها)))
هيام:الحقي غرفة الشغاله تحترق
ندى تتثاوب:وخير يا طير مهيب اول مره
هيام:ولاب توبك بجنب الغرفه
ندى نطت بترووح تجيب لابتوبها
هيام ركضت للغرفه طيران يوم وصلت صقعت بالباب وطاحت بالارض
هيو:ااااه
سامي كان ورى الباب: وشفيك بعد
هيام:جعلك للجلطه انا قلت تحت السرير مو ورى الباب
سامي:لا والله عشان تجي اختك الدبا وتغفصني
هيام:ايه ايه ..المهم رح اطلع من البيت شوي شوي كلهم بغرفة الشغاله
سامي:راح طيران لبرى
>>> ونجااااااا
..
هيام بعد ماراح سامي راحت للدريشه شافته يركب سياره ويمشي
هيو.:: اكشخ بعد سيارته اف جي
ندى:من؟؟
هيو:سام....(استوعبت) انتي وش جايبك ؟؟ من وين طلعتي
ندى:من الفانوس السحري
هيام: انقلعي
ندى:طيب روقي ...كلش معصبه
هيام(( بلاك ما عرفتي شصارلي)))
ندى: هيييه...اللي ماخذ عقلك ..اكيد انا
هيام :بتطلعين والا كيف؟؟...ترى شفت مصارعه على اكشن بس للحين ما طبقتها
ندى:لا واللي يرحم امك بنام مرتاحه
وركضت لغرفتها
هيام نطت عالسرير ((( خخخخخ والله كاني بفيلم لجنجوني>> النك نيم لجون ابراهام<<<
هع وانا كل عيال عمامي شبعو من وجهي ..طلال ..وسامي ..من بقى بعد..يلا انام عشان بكرا نروح بدري للمزرعه....لحظه شصار ع الحريق...)))
راحت تشوف ...فجاه ..شافت جوالها بغرفة الشغاله محترق...
هيام((الملعونه صارقه جوالي وانا اقول وينه فيه لي يومين ما شفته ..مو مشكله اشتريلي جوال ))
رجعت لغرفتها ونامت
.............................
من بكرا>>> يوم المزرعه
هيام :يمااااااااااااااااااااه
الام:خيير وشبلاك تصرخين
هيام:يمه وين عبايتي
الام :وانتي شفيك صايره حوله هذي عبايتك
هيام:يمه في ام تقول لبنتها حوله
الام وهي رايحه:وبقره بعد
هيام:خخخخ حتى امي ماخذه فكره غلط عني>> اموت ع البرائه
جهزوا الاغراض وراحوا يركبون بالسياره ((((فارس وفراس راحوا سياره لحالهم)))
هيو:ندى انقلعي ورا
ندى :لا والله انا اكبر منك
هيو:طيب يله
ندى:؟؟؟؟؟؟ ...غريبه انتي مصخنه
هيو:وجع هذا جزاي اني احبك ...مالت على ذا الوجه
ركبت هيام ورى مع فيصل وتربعت وطلعت عدتها((( 3 سنكرس 2 بايسن 4 بيبسي 7 ليز بالملح والخل 2 كندر 3 برنجلز نكهات مختلفه ...حب...... >>وبعض الناس يسمونه فصفص
قيم بوي))
ندى بعد تربعت بمكانها وطلعت عدتها((( 1 شيبس بالكاتشب..2 بيبسي ...1 فليك ...1 كيك بالشوكلاته...رواية رومنسيه )))
كل وحده انشغلت باللي معاها
هيام::فيصلووه قبل كم يوم واحد دق على تليفون البيت يبغاك ..
فيصل:مين
هيام:ما ادري بس اخر الرقم33
فيصل:اييه هذا بدر ولد عمي فهد
هيام:هو له اخو كبير؟؟
فيصل:ايه خالد..شفيك ما تعرفين عيال عمامك
هيام:والله من كثرهم دراااازن
فيصل :طيب اسمعي مره كنا انا و.....................>> قعد يسولف ويخربط
هيام((((اووف الحين هذا فك الحلق ...اجل خالد اللي رد علي ذاك اليوم...خخخخخ يا فشيلتي)) ))
هيام بصوت عالي:مالت على حظي
فيصل:هييه انتي مجنونه تكلمين نفسك
هيام طنشت مثل ما تسوي مع كل البزران
وصلوا المزرعه والكل كان متجمع هناك
اعرفكم على البنات
روان:هذي رومنسيه ومايعه وحالمه بزياده بس همها اللبس والموضه بنت العم ناصر
تحب الروايات الرومنسيه السعوديه وكل يوم طالعه لك بروايه وتقولك احداثها
نوره:بنت ولا كل البنات ع قولت العجز...كل الكبار يحبونها عشانها مطوعه ..تحب لعب الكووووره موووت..بنت العم راشد..وحيدة اهلها
رغد:هذي مرجوووووجه كلمه شويه عليها ..بويه ..وتحب شغلات الاولاد..تمووووت بالسيارات
بنت العم صالح ..اخت سامي ..تموت بسيارة الاف جي
افنان:هاديه ومسالمه ..واذا تكلمت قالت حكمه والا مثل..تحب الذكريات ومستحيل ترمي شي بالزباله ..تحتفظ بكل شي...بنت العم صالح ..اخت رغد وسامي
اثير:مرجوجه مثل شخصية رغد ودايم مناقر وياها ....احلى البنات من ناحية الشكل...بنت العم فهد..لها 6 اخوان كبار
(((((((كل هالبنات شله وحده اسمهم ..كوب قهوه)))
.................................................. .................................................. .......
ندى وهيو:هاااي كوب قهوه
رغد :هلا والله بالطش والرش
اثير :والبيض المفقش
هيام:خلاص استحي
رغد :لحظه لحظه ..الحين من قالك تكملين جملتي ..جميع حقوقي محفوظه
اثير: احلفي بس..والله كيفي ..اقول اللي ابي
نوره:بنات شرايكم نلعب كوره
روان تكلم هيو:الحين بتعلمينا انك تخجلين والا تستحين..ههه..بوش يسلم ولا انتي تستحين
ندى:علميها علميها ...خل تهجد شوي ..كل يوم طايحه على واحد من عيال عمي
هيام ناظرت ندى بنظرات استفهام(((لا يكون هالدوبه عرفت عن سالفة سامي ...والا يمكن تقصد سالفة طلال..لازم احقق معها)))
نوره:بنات شرايكم نلعب كوره
رغد:هيام جبتي لايف فور سبيد الجديد
هيو:افا عليك
اثير:ما شا اله فيه تخطيطات من ورانا .>تلتفت لهيام< ..وانتي يالخاينه ما قلتلك اول ما تلعبين فيه تعطيني اياه...
رغد:والله بكيفها تعطي اللي تبي ..وعطتني عشانها تحبني اكثر منك
اثير تبي تقهر رغد:الا ما قلتلك سوسو اخوي الحبيب اشترى اف جي زرقاء >وترفع حواجبها << وهلاليه بعد
رغد :احلللفي ..وجع هالسعندي ليش ما قالي
اثير:هيييه سعندي اصغر عيالك هو ..اسمه سعود
نوره :بنات شرايكم نلعب كوره
رغد طنشتها وراحت برا تدور عالسيارات:بنات انتم تدرون اني من زمان متحديه صديقتي اصور اليومين هذي اني اصورمع اف جي هلاليه ..خخخ..توي ادري اني خبله
افنان:رحم الله امرئ عرف قدر نفسه
روان :صدق الله العظيم
هيام:هيييه انتي تراها قايله حديث مو قراان
روان :هههه وانا ايش يعرفني
نوره :بنات شرايكم نلعب كوره
روان:وانتي للحين على ذا الموال
نوره: اجل نقعد هنا نتميلح عندك
ندى :والله فكره ..ترى اذا بتخطبيني لاخوك الاطخم ما عندي اي مشكله>> تقصد طلال
روان:اممممم ..شكلي بشاور عليه
هيام:اييه ...وانتي روان بخطبلك واحد من التوأم المختلف اي واحد تبين>> متاثره بافلام الكرتون
روان:امممم اتوقع فراس احلى
اثير:هيييه..انتم كل وحده تخطب لاخوها.. ورغد راحت لها ساعتين ولا رجعت
ندى:والله من زود الحب اللي عندك
اثير:لا مو كذا بس ولا وحده منكم تعرف ترد علي ..مع مين اتناقر؟؟
روان :اهااا قولي كذا
اثير :بروح ادورها
وراحت
نوره:بناات والله صدق ابغى العب كوره
ندى:لا بعدين نحتر
هيام :اقول ندووش روحي العبي عشان تخففين
ندى:كاكاكا ما تضحك
....................
عند اثير ورغد
اثير:رغييد يالدوبه وش جايبك هنا الحين يجون الشباب
رغد تصو نفسها وتستعرض وهي راكبه فوق الاف جي
اثير:رغد وجع
رغد:افففففففف اقول شرايك نسرق وحده من السيارات ونفحط
اثير :واللله فكره بس اي سياره
رغد تتمشى حول السيارات:اممممم هذي حلوه بس من حقته
اثير:اتوقع انها لوحده من التوأم المختلف>>النك نيم حق فارس وفراس
رغد :انتي اقعدي هنا وانا بروح اجيب المفتاح
اثير:خييير...من وين بتجيبينه يا حظي فيك
رغد :انتي اقعدي وبس
اثير :طيب
راحت رغد لكوب قهوه
..
رغد :كوب قهوه وين هيامووه الدوبه
نوره:حرام عليك تحشين فيها
رغد :انا قلت شي
روان تكمل احداث الروايه لندى:اييه بعدين راحت مشاعل لالمانيا مع بندر وسعود اخوها عشان تسوي العمليه و..... ما درت الا ضربه على راسها
رروان بميوعه:اااااي ..وجع يالحقيره ...شتبين
رغد:وين هياموه
روان طنشت والتفتت على ندى:ايه بعدين نجحت العمليه وشافت طلال و....>>تكمل باقي الاحداث
رغد راحت تكمل عملية البحث عن هيام
بهذه الاثناء
شلة الشباب...(( كوب شاي)) اعمارهم متقاربه جدا بعضهم بثالث ثانوي وبعضهم باول كله
فارس وفراس:توام اخوان هيام ..يشبهون بعض بس كل الناس يسمونهم التوأم المختلف على افلام الكرتون
راشد:ولد العم فهد .اخو اثير ..شخصيته قويه واللي براسه يسويه
خالد:اخو راشد ..ولد العم فهد ..حنون بالمره ..متمسك باتقاليد البدويه ..يشبه جون ابراهام شوي ...
سامي:ولد العم صالح ...متهور لابعد الحدود ..شخصيته مثل هيام
طلال: ولد العم ناصر
وسيييييييم جدا ..او اطخم على قولة ندى...شعاره بالحياة..ما فيه بنت تهز مني شعره
تركي:ولد العم ناصر ..اخو طلال ..نفس شخصيته ..هو الاكبر بينهم متخرج من الكليه بس يحب قعدتهم عشان مافيه الا هم او القعده مع الشيبان
.................................................. .................................................. ......
شلة الشباب
تركي:كوب شاي اسمعوا
كوب شاي:نعم
تركي:بروح اسلم على جدتي تجون معي
كلهم:اييه
قاموا كلهم
ودخلوا عند الحريم وحريم العمان متغطين
الجده :هلا هلا باحفادي..اعوذ بالله يا كثركم .
طلال:جده قولي ما شاء الله لا تصكيننا بعين
راشد:جده بذمتك ما اشتقتيلي
سامي:جده انا وحشتك اكثر واحد صح
الجده:بس....راسي اوجعني من هذرتكم
فارس:جده شخبارك؟؟
الجده:الحمد لله يا وليدي بس من انت فارس والا فراس؟؟
فارس:فراس يا جده
الجده سحبت يد فارس
فارس:كل هذا شوق يا تيته كان قلتيلي بس اضمك
جده:وش شوقه بعد من ذي
فارس:هذا يعني اشتقتي لي
جده:لا بلا خرابيط ..انا بربط بيدك خيط عشان افرق بينكم يالتوام المختلف
الكل فقع ضحك حتى الحريم
فراس:لالا يا جده كذا تحطمين اخوي التوام
تركي:خخخخ حلوه يا جده ...رهيب التحطيم
خالد:اقوول لنا سنه هنا ولا ضيفتونا
ام فارس:فراس رح جب قهوه لعيال عمك
فراس:طيب
راح للمطبخ وهو يتحلطم
دخل المطبخ
بنفس الوقت
هيام كانت ماسكه شغاله هنديه وتسولف معها عن فيلم جون ابراهام
هيام:ايوه وبعدين شصار انقذ حبيبته والا لا
الشغاله :ايوه هو في روه اركب فوق بيت بادين هو روح شيل هبيبه هتي فوق كتف هوه
وودي برا بيت>>>الترجمه؟((ايوه هو راح طب فوق البيت ودخله وشال حبيبته فوق كتفه وطلع من البيت )))
فراس شافها:وانتي للحين على هالجوني ابراهيم
هيام:لو سمحت لا تغلط اسمه جوون ابراهام
وتددددددخل من باب المطبخ الثاني رغد ماشيه 8000 وطرااااخ في هيام طاحوا كلهم
رغد وهي تقوم:يالحقيره لي ساعتين الحين ادور عليك اخرتها تسولفين مع الشغالات جعلك للغيبوبه ..انا بنت صالح المفروض ما انزل نفسي واكلمك ...يا الخايسه
هيو:ايي جعلك للحادث ..خيييير ...سوال يطرح نفسه ..انتي ولد والا بنت ؟؟
رغد :شوفي حبيبتي..انا فكرت فيها واستنتجت اني مع الاسف بنت
((((كل هذا وفراس عند باب المطبخ ويشوف وهو فاتح فمه )))
رغد كانت لابسه تيشيرت ازرق عليه رسمة سياره بيضاء وبنطلون جينز فاتح
هيو تذكرت فراس
هيام بنظرات خبث:رغااد ... ما سلمتي على اخوي فراس؟؟؟؟
رغد تلتفت :شتخربطين انتي وال......طاحت عينها بعينه
رغد :واااااه
وطلعت براااااا
هيام:ههههههههههههههههههههههههههههههههههههههههههه
فراس:حرام عليك
هيام :ههههه ..لا والله وانت قاعدلي هنا تقز البنت
فراس تورط:هااه ..ايه ايه ..وين القهوه بس
هيام كالعاده اذا ما عجبتها السالفه طنشت
طلعت برا المطبخ
واول ما خطت رجلها عالارض
طراااااااااخ طع طب طب بووووش بوووم طااخ طييخ طططططب
استقبلتها رغد بكل الضربات اللي تعرفها
هيام تتوجع:ااااي بطني يالخايسه
رغد:احسسسسن تستاهلين اكثر بعد
هيام ما تبي تبين ضعفها:ايه ما علينا ..المهم وش كنتي تبين فيني
رغد:اممممم.ايه....من اللي سيارته ÷÷÷÷..........××××؟؟؟
هيام:امممممم ..فارس اتوقع
رغد :طيب يا قلبي انتي يا حياتي ..تصدقيت والله اني احبك و..
قاطعتها:اخلصي كم تبين
رغد:اشوى وفرتي علي مشوار...ايه ابغا مفتاح سيارته باصرقها انا واثير ونفحط ...
هيام:ما شا الله ....ومن متى تعرفين تسوقين...؟؟
رغد:يوووه ..ما يبيلها شي مثل البليستيشن ..يمين يسار وادعس ع البنزين
هيام:بشرط
رغد :امري تدللي
هيام:بفحط معكم
رغد :بس كذا ما طلبتي شي انتي بس جيبي الفتاح
هيام :طيب لحظه
راحت
.................................................. .....................
عند الشباب:
فراس دخل
ام فارس:هووو ....فراس وين القهوه
فراس مفهي:هااه..لا ..ايه القهوه ..الحين تجيبها الشغاله
تركي:شفيك فراس مانت على بعضك
سامي:اخاف انه شافله شغاله هناك ..وخق عليها ..ما تشوفه داخل علينه وافمه مفتوح
فراس((بلاك ما تدري اني شفت اختك)):لالا وش شغاله...بس افكر بالمهبوله اللي تسولف مع الشغاللات
راشد:مين ؟؟
فارس:اكيد هيام ..من غيرها يعني
>>>ثلاث اشخاص فزت قلوبهم من اسمها<<<
خالد((( فديتها هذي اللي دق عليها بدر ...والله اعجبتني مع اني ما شفتها بس احس بشعور غريب لا سمعت صوتها)))
طلال(((خخخخخ هذي اللي تحب جنجون على قولتها.. فديتها ...والله انها عذاب احس اني بديت احبها )))
سامي(((هههاااي ...هذي راعية الهنود ...خخخ ما توقعتها تحسبني هندي ذاك اليوم..ههه
احلى يوم بحياتي...والله ليت احد شافنا عشان يزوجوننا ذاك اليوم خخخ)))
راشد:يا هووووووووووه ..انتم يالثلاثي المرح وين سرحتوا
سامي((من غيرها بنت عمك)):لا ولا شي بس افكر انا جبت عي الاب توب والا لا>> يلعن ام التصريفه
خالد((من غيرها فديت قلبها)):وانا بعد افكر ايش العشا اليوم
طلال:وانت ما همك الا بطنك
وكملوا حديثهم
...................................
نرجع لكوب قهوه
نوره:بنات هالثلاثي المرح وينهم ؟؟
افنان:ما ادري ..اكيد مسوين جريمه
ندى:صادقه
روان :اخاف يتهورون مثل رغد وريم
نوره:من رغد وريم؟
روان:هذولا الله يسلمك بنات انا احبهم واجد لهم اخو اسمه مشاري و.....
قاطعتها ندى:بنات برواية احلى صدفه بحياتي
افنان:ذا الروايات انا جتني عقده منهم ..انتم ما تشبعون منهم..لا تقرينهم مره ثانيه
روان:انا شاورتك اقراهم والا لا؟؟ اعتقد كيفي
افنان:ايه بس بالحد المعقول موب كل روايه تنزل تقريها
روان:سي سي
نوره:وش ذا؟؟ سي سي
ندى:هذا يعني نعم بالايطالي
نوره :تكلمي عربي انتي ووجهك ..تروحين للغة الكفار والغرب
روان:اففف يا ذا النصايح اللي ما تخلص
.................................................. ............................................
نرجع للثلاثي المرح
.......
اثير تصرخ:لي ساعتين يالحقيره انتظرك اثريك داقتها سالفه مع هياموهه
هيام:هيييه ..اصغر عيالك هيامووه
رغد./ المهم ...جبتي المفتاح؟؟؟
هيام:نهي
اثير:وشي ذي بعد؟؟
هيام :يعني لا بالهندي
رغد :ما شا الله وصرنا نتكلم هندي بعد
هيام:ايه لازم اتعلم انا ...بكرا اذا خطبني جنجوني كيف اتفاهم معه وكذا و.....
اثير:الزبده ...ليش ما جبتيه؟؟
هيام :امزح هذا هو
رغد تسحبه منها وتفتح السياره وتركب
دخلوا اثير وهيام بمعركه على المقعد اللي قدام ...بالاخير اثير انتصرت
اثير :نياهاهاها ...موتي قهر
هيام شوشتها منتفشه::اوريك
رغد تدعس ع البنزين
اوووووووووووووووووووح>> تفحيطه
اثير:وااااااااااااااااااااااو عاشت ام سامي
هيام:ووووع ما تعرفين تفحطين جيبي اوريك شلون >> وتنط قدام بحظن رغد وتكمل تفحيط
رغد :هيييه انتي غفصتيني
هيام :احسن
اثير :بنات مو كان هذا جدي؟؟
هيام:الا والله شيسوي ورى الاسطبل
رغد :ننزل نشوف
اثير:قداام
نزلوا كلهم ورغد رجلها اوجعتها من قعدة هيو
رغد:يالحقيره يالدوبه جعلك للجلطه عورتيني
اثير :احسسسن...بردت على كبدي
هيام:بنات قاعد يكلم بالجوال>> تقصد الجد
راحوا دخلوا الاسطبل حق الخيول وتغبوا ورى التبن المصفوف
الجد دخل وبيده الجوال
:ايه ايه ...لابس ما اقدر اليوم انا طالع مع عيالي كلهم ..ادري انك ولدي بس شسوي ....لالا قل لامك تنقلع عند اهلها وانا اجيك بكرا...خلاص اسف حقك علي ...ولا تزعل بجيك الحين
...
هيام:بنات من يكلم جدي
رغد:لظاهر واحد من عمامي
اثير: لا يالغبي لو واحد من عمامي ما راح يقوله قل لامك تنقلع عند اهلها
هيام:انا ضميري وعقلي وقلبي يقول ان السالف فيها ان
رغد:بنات وش سيارة جدي
اثير:وهذا وقتك
رغد:لا يا غبيه انتي....اقصد لقيت خطه
هيام/ ايه قصدك نركب بالسياره بدون ما يدري جدي ونشوف وين يروح
رغد:عليك نووور
اثير:نور والا سلمى
هيام:وهذا وقتك انتي الثانيه
رغد:يلا نروووح

.................................................. .................................................. ..........
#ايش راح يصير للبنات
#ايش المفاجئه اللي تنتظرهم

.................................................. .................................................. .........